أكبر و أضخم تشكيلة طرح لربيع و صيف 2011 الربيع بكل الألوان

أنا مش هتكلم كتير بقى و أقولكم ان موضة الطرح السنة دى هى الحرير أو الستان أو القطن أو اى خامة تانية .. الطرح السنه دى فيها كل الخامات و كل الألوان بس المميز السنة دة هى الطرح الى بتحتوى على أكسيسوريز فيها و الى بتغنيكى عن انك تلبسى accessories
طبعا كل الخامات موضة زى ما قلنا زى القطن البسيط و الحرير و الشيفون .. و اكتر النقشات موضه السنه دى هى التايجر و طبعا الألوان ألوان ربيع و صيف 2011 الملتهبة زى الأحمر و الأورانج و درجات التركواز و الأخضر مع البطيخى و درجات الأزرقات و الأحمر فى الاسود أو مع الابيض.. اسيبكم مع الصور الى عندنا حصرى
الطرح الى بتحتوى على الأكسيسوريز و هى ممكن تكون فيها اكسيسوريز فى الطرفين أو فى طرف واحد أو فى المنتصف أو تتكون من طرحة عادية مع جزء من الطرحة رفيع مربوط بعقد

 و أكيد الاقطان الى بتحتل المركز الاساسى فى الطرح لخفتها و كمان راحتها فى الصيف

طبعا الطرح الشيفون بتضيف على البنت رقة و نعومة محصلتش و دة كمان بيمتد لألوانها الناعمة الرقيقة

 البندانات كمان مولعة بألوان الربيع و الصيف طبعا فى منها القطن السادة او الكروس أو القطن المطرز أو الجيبير و الساتان

طبعا الشال الساتان الى بيدى البنت احساس بالرقى و الأناقة