إزاي اعرف نوع بشرتي ايه؟

هناك 5 أنواع للبشرة:

1-البشرة الدهنية: و دي فيها المسام بتبقى واسعة, و تلاقي وشك مزيت كتير, و طبعا اكيد بيطلع حبوب و طلع فيها حبوب في وقت من الاوقات, و طبعا المسام الواسعة بينتج عنها الرؤوس السودا بسبب تجمع التراب فيها
الميزة الوحيدة للبشرة الدهنية هي انها بتعججز متأخر بالمقارنة بالبشرات التانية و بيتأخر فيها ظهور التجاعيد

2-البشرة الجافة: و دي لما تلاقي الجاد بيقشر و خصوصا في الشتا و الجلد بيبقى مشدود جدا و قاسي شوية,طبعا بترتاحي من الحبوب و التزييت بس محتاجة ترطيب دايم و عكس الدهنية ,جفافها بيسرع بعملية التجاعيد و على طول محتاجة مرطبات...

3- البشرة المختلطة : باينة من اسمها , جزء بيبقى جاف و جزء بيبقى دهني, و الجزء الدهني بيبقى منطقة ال t-zone اللي هي الانف و الجبهة و كمان الذقن...مش بيبميزها حاجة الا انك محتاجه تعتني بكل حتة على حسب طبيعتها


4-البشرة العادية: اللي كلنا بنحلم بيها...ولا جافة ولا دهنية ولا فيها حبوب و بيبقى الجلد طري و مشدود مش مترهل...و دي بس محتاجة عناية بسيطة للحفاظ عليها

5-البشرة الحساسة : دي مش بتبان بالنظر قد بيبان تأثير الجو عليها,لانها بتتأثر جامد و بسرعة يعني بتحمر لمل تتعرض لدقايق في الشمس,بيحصل حساسة عند استخدام مستحضرات او ميك اب ,ممكن حتى يظهر حبوب او بقع عند التحرض للتراب او السقعة..
 
هناك إختبار لمعرفة أنواع البشرة الأساسية:
-- لمعرفة نوع البشرة يتم غسل الوجه بالماء ثم يجفف جيدآ بقطعة من القماش ، وبعد مرور ساعة كاملة يتم وضع منديل ورقي على الوجه والضغط  به على أربع نقاط من الوجه وهي الجبهة والخدين والانف والذقن ، ثم يتم فحص هذه المناطق الاربعة على المنديل ، و تكون النتيجةواحدة من أربع:

- وجود اثار الدهون في كل قطعة من المناطق الاربعة على المنديل يدل على أن البشرة دهنية
- وجود آثار من الدهون في بعض المناطق يشير إلى البشرة مركبة
- عدم وجود أثار من الدهون في المناطق الاربع يشير إلى أن البشرة عادية
- في حالة عدم وجود اثار الدهون في المناطق الاربع بينما يوجد اثار قشور بها فهذا يشير أن البشرة جافة